ການຮ່ວມມືຂອງ ໂຄງການ ProFEB ແລະ ໂຄງການ CliPAD ເພື່ອສົ່ງເສີມວຽກງານອານຸລັກ!

ເພື່ອສົ່ງເສີມວຽກງານອະນຸລັກ, ໂຄງການ ປົກປັກຮັກສາ ແລະ ນໍາໃຊ້ລະບົບນິເວດ ປ່າໄມ້ ແລະ ຊີວະນາໆພັນແບບຍືນຍົງ (ProFEB) ແລະ ໂຄງການ ການສ້າງສິ່ງຈູງໃຈ ເພື່ອຫຼຸດຜ່ອນການປ່ອຍອາຍພິດ ຈາກການທໍາລາຍ ແລະ ການເຮັດໃຫ້ປ່າໄມ້ເສື່ອມໂຊມ (CliPAD) ມີການຈັດເຝິກອົບຮົມຮອບດ້ານກ່ຽວກັບລະບົບ SMART ເຊິ່ງຝຶກໂດຍຊ່ຽວຊານຈາກ ອຸທິຍານແຫ່ງຊາດຫີນໜາມໜໍ່  ໂດຍເນັ້ນໃສ່ຜູ້ເຂົ້າຮ່ວມຈາກສວນອຸທິຍານແຫ່ງຊາດນໍ້າຊຳ, ນໍ້າຜຸຍ, ສວນອຸທິຍານແຫ່ງຊາດຫີນໜາມໜໍ່ ແລະ ສວນອຸທິຍານແຫ່ງຊາດນໍ້າແອັດພູເລີຍ. 

SMART ແມ່ນຫຍັງ? 

SMART ເປັນເຄື່ອງມືທີ່ສ້າງມາດຕະຖານ ໃນການເກັບກໍາຂໍ້ມູນ, ວິເຄາະ ແລະ ສ້າງບົດລາຍງານ ເພື່ອຮັບປະກັນວ່າຂໍ້ມູນທີ່ຖືກເກັບກຳນັ້ນ ຈະເປັນປະໂຫຍດໃຫ້ແກ່ການຕັດສິນໃຈ ຂອງຜູ້ລົງລາດຕະເວນໃຫ້ງ່າຍ ແລະ ວ່ອງໄວຂຶ້ນໃນເວລາປະຕິບັດໜ້າທີ່ ເຊິ່ງຈະຊ່ວຍປັບປຸງແຜນຍຸດທະສາດໃນການອານຸລັກ. 

ເຖິງເວລາສົ່ງຕໍ່ຄວາມຮູ້!  

ອຸທິຍານແຫ່ງຊາດ ຫີນໜາມໜໍ່ ໄດ້ນຳໃຊ້ໂປຣແກຣມ SMART ຕັ້ງແຕ່ 20214 ໂດຍການສະໜັບສະໜູນຈາກໂຄງການ ProFEB (GIZ) ເພື່ອສ້າງຂີດຄວາມສາມາດໃຫ້ແກ່ພະນັກງານລັດ ຜູ້ທີ່ຮັບຜິດຊອບຖານຂໍ້ມູນ ໃນອຸທິຍານແຫ່ງຊາດ ຫີນໜາມໜໍ່. ໃນຄັ້ງນີ້ ຊ່ຽວຊານຈາກ ອຸດທິຍານແຫ່ງຊາດ ຫີນໜາມໜໍ່ ໄດ້ສົ່ງຕໍ່ຄວາມຮູ້ ໃນການນຳໃຊ້ ໂປຣແກຣມ SMART ແກ່ຜູ້ເຂົ້າຮ່ວມຈາກ ສວນອຸທິຍານແຫ່ງຊາດນໍ້າຊຳ, ນໍ້າຜຸຍ, ສວນອຸທິຍານແຫ່ງຊາດ ຫີນໜາມໜໍ່ ແລະ ສວນອຸທິຍານແຫ່ງຊາດນໍ້າແອັດພູເລີຍ ທີ່ສະໜັບສະໜູນໂດຍ ໂຄງການ GIZ-CliPAD.  

ເນື້ອໃນກອງປະຊຸມຝຶກອົບຮົມນີ້ ບໍ່ແມ່ນພຽງແຕ່ກ່ຽວກັບ ໂປຣແກມ SMART, ແຕ່ຍັງເປີດໂອກາດໃຫ້ຜູ້ເຂົ້າຮ່ວມ ໄດ້ແບ່ງປັນຄວາມຮູ້ເຊີງເລິກ ກ່ຽວກັບແຜນບໍລິຫານຈັດການສວນອຸທິຍານ ຂອງແຕ່ລະເຂດ ແລະ ຍັງເປັນການສົ່ງເສີມເຄືອຄ່າຍວຽກງານອະນຸລັກ ໃຫ້ເຂັ້ມແຂງລະຫວ່າງຜູ້ເຂົ້າຮ່ວມ. 

ໂຄງການນີ້ ເປັນໂຄງການຮ່ວມສະໜັບສະໜູນໂດຍ ລັດຖະບານເຢຍລະມັນ ແລະ ສະຫະພາບເອີຣົບ. ໂຄງການ ປົກປັກຮັກສາ ແລະ ນໍາໃຊ້ລະບົບນິເວດ ປ່າໄມ້ ແລະ ຊີວະນາໆພັນແບບຍືນຍົງ (ProFEB) ແມ່ນອົງປະກອບທີ 2 ຂອງ ແຜນງານການຮ່ວມມືລະຫວ່າງ “ທີມເອີຣົບ ແລະ ສ ປປລາວ ເພື່ອຍົກລະດັບການຄ້າ, ການລົງທຶນ ແລະ ການເຊື່ອມໂຍງ ແບບຍືນຍົງ ແລະ ທົ່ວເຖິງ ໃນຂະແໜງກະສິກຳ ແລະ ປ່າໄມ້ (TICAF)”