ໂຄງການ ການຄຸ້ມຄອງທີ່ດິນ ແລະ ວາງແຜນແບບມີສ່ວນຮ່ວມ ໄລຍະ 3 (LMDP III) ພ້ອມດ້ວຍ ກົມຮ່ວມມືສາກົນ, ກະຊວງແຜນການ ແລະ ການລົງທຶນ (DIC/MPI) ໄດ້ຮ່ວມຈັດຕັ້ງກອງປະຊຸມຄະນະຄຸ້ມຄອງໂຄງການ ປະຈຳປີ 2024.

ໃນວັນສຸກ ທີ 26 ກໍລະກົດ 2024 ທີ່ຜ່ານມາ, ການຮ່ວມມື ລາວ-ເຢຍລະມັນ GIZ, ໂຄງການ ການຄຸ້ມຄອງທີ່ດິນ ແລະ ວາງແຜນແບບມີສ່ວນຮ່ວມ ໄລຍະ 3 (LMDP III) ພ້ອມດ້ວຍ ກົມຮ່ວມມືສາກົນ, ກະຊວງແຜນການ ແລະ ການລົງທຶນ (DIC/MPI) ໄດ້ຮ່ວມຈັດຕັ້ງກອງປະຊຸມຄະນະຄຸ້ມຄອງໂຄງການ ປະຈຳປີ 2024.

ກອງປະຊຸມໃນຄັ້ງນີ້ເຂົ້າຮ່ວມໂດຍ ກົມແຜນການ, ກົມສົງເສີມການລົງທຶນ, ສະຖາບັນຄົ້ນຄ້ວາວິໄຈການພັດທະນາ ແລະ ສູນຝຶກອົບຮົມ ຈາກ ກະຊວງແຜນການ ແລະ ການລົງທຶນ (MPI), ກົມທີ່ດິນ, ກົມຈັດຕັ້ງ, ສະຖາບັນຄົ້ນຄວ້າ ຊັບພະຍາກອນທໍາມະຊາດ ແລະ ສິ່ງແວດລ້ອມ ຈາກ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ (MoNRE), ກົມຄຸ້ມຄອງ ແລະ ພັດທະນາທີ່ດິນກະສິກໍາ, ກົມປ່າໄມ້ ຈາກ ກະຊວງ ກະສິກຳ ແລະ ປ່າໄມ້ (MAF) ແລະ ບັນດາສະຖາບັນການສຶກສາ ຈາກ ວິທະຍາໄລເຕັກນິກສັບພະວິຊາ ແລະ ຄະນະວິຊາທີ່ກ່ຽວຂ້ອງ ຈາກ ມະຫາວິທະຍາໄລແຫ່ງຊາດ ພ້ອມດ້ວຍ ຫົວໜ້າການຮ່ວມມືເພື່ອການພັດທະນາ ຈາກສະຖານທູດ ເຢຍລະມັນປະຈຳ ສປປ ລາວ.

ທັງ 3 ກະຊວງ ແລະ ໂຄງການ GIZ LMDP ໄດ້ນໍາສະເໜີຜົນສຳເລັດ, ສິ່ງທ້າທາຍ ແລະ ແຜນການໃນຕໍ່ໜ້າ ຕໍ່ກັບການຈັດຕັ້ງປະຕິບັດກິດຈະກຳໂຄງການຂັ້ນສູນກາງ ແລະ ແຂວງເປົ້າໝາຍກໍ່ຄືື ແຂວງ ໄຊຍະບູລີ ແລະ ຫົວພັນ ໃນວຽກງານວຽກງານການວາງແຜນນຳໃຊ້ທີ່ດິນ, ການຮັບຮູ້ສິດຄອບຄອງນຳໃຊ້ທີ່ດິນຕາມປະເພນີ, ການສົ່ງເສີມການລົງທຶນ ພ້ອມທັງ ກົນໄກການປະສານງານກ່ຽວກັບນະໂຍບາຍທີ່ດິນ, ການພັດທະນາຂີດຄວາມສາມາດໃຫ້ແກ່ສະຖາບັນ ແລະ ການຄຸ້ມຄອງຂໍ້ມູນຂ່າວສານ ແລະ ຫົວຂໍ້ອື່ນໆທີ່ກ່ຽວຂ້ອງກັບທີ່ດິນ. ອີກໜຶ່ງຈຸດພົ້ນເດັ່ນ ແມ່ນການລາຍງານຄວາມຄືບໜ້າຕົວຊີ້ວັດຂອງໂຄງການ LMPD ໄລຍະ 3 ພ້ອມທັງ ແຜນການໃນໄລຍະໃໝ່ຂອງໂຄງການ LMDP ໄລຍະ 4.