ພິທີສະຫລຸບວຽກງານ “ການສົ່ງເສີມການປູກຝັງແບບຍືນຍົງ”

ໂຄງການ ປ້ອງກັນດິນຟ້າອາກາດ ໂດຍຫລີກລ້ຽງການທຳລາຍປ່າໄມ້/ການຈັດຕັ້ງປະຕິບັດການຄຸ້ມຄອງປ່າໄມ້ ແບບພູມີທັດ ແລະ ສົ່ງເສີມຊີວິດການເປັນຢູ່ (CliPAD/I-GFLL), ໄດ້ຮັບທຶນສະຫນັບສະຫນູນຮ່ວມໂດຍ ກະຊວງການຮ່ວມມືດ້ານເສດຖະກິດ ແລະ ການພັດທະນາ ແຫ່ງ ສະຫະພັນ ເຢຍລະມັນ ແລະ ກອງທຶນການປ່ຽນແປງດິນຟ້າອາກາດສາກົນ, ໄດ້ຈັດພິທີສະຫລຸບວຽກງານ “ການສົ່ງເສີມການປູກຝັງແບບຍືນຍົງ” ທີ່ ເມືອງວັງວຽງ, ເຊິ່ງໃຫ້ກຽດການເປັນເຈົ້າພາບໂດຍພະແນກ ກະສິກຳ ແລະ ປ່າໄມ້, ນະຄອນຫລວງພຣະບາງ.

ຜູ້ຕາງຫນ້າ 74 ທ່ານຈາກ 6 ແຂວງເປົ້າຫມາຍ ພ້ອມກັບ ຜູ້ຕາງຫນ້າຈາກ ນະຄອນຫລວງວຽງຈັນ ໄດ້ໃຫ້ກຽດເຂົ້າຮ່ວມ. ກອງປະຊຸມດັ່ງກ່າວມີຈຸດປະສົງເພື່ອຖອດຖອນບົດຮຽນຈາກການຈັດຕັ້ງປະຕິບັດໂຄງການ ແລະ ປຶກສາຫາລືກ່ຽວກັບແຜນຍຸດທະສາດ ການສົ່ງເສີມການພັດທະນາຕ່ອງໂສ້ມູນຄ່າເພີ່ມໂດຍບໍ່ຕ້ອງຕັດໄມ້ທໍາລາຍປ່າ ພ້ອມທັງ ຮັກສາຄວາມຍືນຍົງທາງທໍາມະຊາດ. ໃນ ສປປ. ລາວ. ນອກຈາກນີ້,  ຜູ້ຕາງຫນ້າຈາກໂຄງການຕ່າງໆ, ເຊັ່ນ ໂຄງການ Helvetas, ອົງການອາຫານ ແລະ ກະສິກຳ ຂອງ ສະຫະປະຊາຊາດ (FAO), ສະຖາບັນຄົ້ນຄ້ວາ ກະສິກຳ ແລະ ປ່າໄມ້ ແຫ່ງຊາດ (NAFRI), ແລະ ກົມກະສິກຳ (DoA), ໄດ້ນໍາສະເຫນີເນື້ອໃນກ່ຽວກັບການຮັກສາທໍາມະຊາດ ແລະ ຄວາມຍືນຍົງທາງທໍາມະຊາດ ເພື່ອໃຫ້ບັນດາຜູ້ເຂົ້າຮ່ວມເຂົ້າໃຈກ່ຽວກັບວຽກງານດັ່ງກ່າວຢ່າງເລິກເຊິ່ງ. ພ້ອມກັນນີ້, ຍັງມີການ ສົນທະນາກ່ຽວກັບສິ່ງທ້າທາຍ ແລະ ກາລະໂອກາດທີ່ກ່ຽວຂ້ອງກັບການປູກຝັງແບບຍືນຍົງ ກໍຄື ການຈັດຕັ້ງປະຕິບັດໂຄງການໃນຕໍ່ຫນ້າ.

ຜູ້ຕາງຫນ້າຈາກໂຄງການ CliPAD/I-GFLL ໄດ້ສະແດງຄວາມຂອບໃຈມາຍັງຜູ້ເຂົ້າຮ່ວມ ພ້ອມທັງ ຫນ່ວຍງານຈັດຕັ້ງປະຕິບັດໂຄງການທີ່ເອົາໃຈໃສ່ປະກອບສ່ວນເຂົ້າໃນການຈັດຕັ້ງປະຕິບັດໂຄງການ ຢ່າງຫ້າວຫັນ. ປັດຈຸບັນນີ້, ແນວທາງການຈັດຕັ້ງປະຕິບັດໂຄງການກໍາລັງຖືກປັບປຸງໃຫ້ດີຂຶ້ນກວ່າເກົ່າ ເພື່ອສືບຕໍ່ຮັບໃຊ້ຊຸມຊົນ ຢ່າງຕໍ່ເນື່ອງ ໂດຍການສົ່ງເສີມການປູກພືດເສດຖະກິດທີ່ສ້າງຜົນກໍາໄລ ແລະ ເປັນມິດກັບສິ່ງແວດລ້ອມ ພ້ອມທັງ ສົ່ງເສີມລະບົບການຜະລິດກະສິກໍາໂດຍລວມ, ໂດຍຜ່ານການ ການສະໜັບສະໜູນ ແລະ ປະກອບສ່ວນຈາກບັນດາພາກສ່ວນຕ່າງໆທີ່ກ່ຽວຂ້ອງ.