ສົ່ງເສີມການປົກປັກຮັກສາປ່າໄມ້ ເເລະ ຊີວະນາໆພັນ ໃນ ສປປ ລາວ

ຄວາມເປັນມາ

ປະເທດລາວ, ເປັນປະເທດທີ່ອຸດົມສົມບູນໄປດ້ວຍຊີວະນາໆພັນ, ກໍາລັງປະເຊີນຫນ້າກັບສິ່ງທ້າທາຍຕ່າງໆ ເນື່ອງຈາກມີການທຳລາຍປ່າໄມ້ ແລະ ການສູນເສຍຊີວະນາໆພັນ. ເພື່ອຮັບມືກັບບັນຫາດັ່ງກ່າວ, ລັດຖະບານ ມີຄວາມມຸ່ງໝັ້ນ ເພື່ອເພີ່ມການປົກຫຸ້ມ ຂອງປ່າໄມ້ໃຫ້ໄດ້ 70% ໂດຍຜ່ານການຄຸ້ມຄອງປ່າໄມ້ແບບຍືນຍົງ ແລະ ນຳໃຊ້ມາດຕະການ ໃນການຟື້ນຟູປ່າໄມ້. ແຕ່ຢ່າງໃດກໍຕາມ, ຍັງມີສິ່ງທ້າທາຍຫຼາຍຢ່າງ ເປັນຕົ້ນແມ່ນທາງດ້ານການບໍລິຫານຄຸ້ມຄອງປ່າໄມ້, ການສ້າງມູນຄ່າໃນຕ່ອງໂສ້ທຸລະກິດໄມ້ແບບຍືນຍົງ ແລະ ການມີສ່ວນຮ່ວມຂອງບັນດາຊຸມຊົນທ້ອງຖິ່ນ, ໂດຍສະເພາະແມ່ນແມ່ຍິງໃນຂະບວນການດັ່ງກ່າວ.

ຈຸດປະສົງ

ບັນດາຊຸມຊົມທ້ອງຖິ່ນ, ໂດຍສະເພາະແມ່ນແມ່ຍິງ, ເຂົ້າຮ່ວມໃນວຽກງານຂອງໂຄງການຢ່າງຫ້າວຫັນ ໃນການສ້າງຄວາມເຂັ້ມແຂງ, ການສ້າງມູນຄ່າໃນຕ່ອງໂສ້ທຸລະກິດໄມ້ແບບຍືນຍົງ, ການປະກອບສ່ວນເຂົ້າໃນການອະນຸລັກປ່າໄມ້ ແລະ ການພັດທະນາເຕີບໂຕແບບສີຂຽວ ແບບຍືນຍົງ ໃນ ສປປ ລາວ.

ເປົ້າໝາຍ

ໂຄງການນີ້ ຈະຊຸກຍູ້ສົ່ງເສີມຂະບວນການທີ່ມີສ່ວນຮ່ວມຈາກຫຼາຍພາກສ່ວນໃນການອະນຸລັກ ແລະ ນຳໃຊ້ຊັບພະຍາກອນປ່າໄມ້ ແລະ ຊີວະນານາພັນແບບຍືນຍົງໃນດ້ານ:

• ນະໂຍບາຍປ່າໄມ້: ອໍານວຍຄວາມສະດວກໃນການປຶກສາຫາລື ແລະ ຊຸກຍູ້ສົ່ງເສີມການກໍານົດນະໂຍບາຍ ແລະ ປັບປຸງກອບນິຕິກໍາ ແລະ ອົງການຈັດຕັ້ງ ແບບມີສ່ວນຮ່ວມ
• ການອະນຸລັກຊີວະນານາພັນ: ການສ້າງຄວາມເຂັ້ມແຂງໃຫ້ແກ່ພາກສ່ວນທີ່ກ່ຽວຂ້ອງ ເເລະ ຮ່ວມມື ໃນການອະນຸລັກສັດປ່າ ແລະ ການຄຸ້ມຄອງພູມມິທັດ ຂອງອຸທິຍານແຫ່ງຊາດ ຫິນຫນາມຫນໍ່ ແລະ ອຸທິຍານແຫ່ງຊາດ ຟອງຫຍາ-ເເກບາງ.
• ການສຶກສາ: ຊຸກຍູ້ສົ່ງເສີມການຄົ້ນຄວ້າ, ການຝຶກອົບຮົມ ແລະ ການສ້າງຄວາມສາມາດທາງດ້ານວິຊາການເພື່ອປັບປຸງການນຳໃຊ້ ແລະ ການຄຸ້ມຄອງຊັບພະຍາກອນປ່າໄມ້ແບບຍືນຍົງ.
• ການຟື້ນຟູພູມມິທັດປ່າໄມ້: ການສ້າງຄູ່ຮ່ວມງານ ລະຫວ່າງບັນດາພາກສ່ວນທີ່ກ່ຽວຂ້ອງເປັນຕົ້ນແມ່ນ ພາກເອກະຊົນ, ຊຸມຊົນຂັ້ນບ້ານ, ພາກສ່ວນຕ່າງໆຂອງລັດຖະບານ ແລະ ອົງການຈັດຕັ້ງທາງສັງຄົມເພື່ອສ້າງຄວາມເຂັ້ມແຂງ ໃນການຟື້ນຟູພູມມິທັດປ່າໄມ້ ເພື່ອການປັບຕົວຕໍ່ກັບດິນຟ້າອາກາດ ແລະ ການອະນຸລັກຊີວະນາໆພັນ.
• ການສ້າງມູນຄ່າໃນຕ່ອງໂສ້ທະລະກິດໄມ້: ການສ້າງຄູ່ຮ່ວມງານດ້ານທຸລະກິດ ເພື່ອສົ່ງເສີມຈຸນລະວິສາຫະກິດ, ວິສາຫະກິດຂະຫນາດນ້ອຍ ແລະ ຂະຫນາດກາງ ເພື່ອສ້າງມູນຄ່າ ໃນຕ່ອງໂສ້ທຸລະກິດໄມ້ແບບຍືນຍົງ ແລະ ສາມາດແຂ່ງຂັນໄດ້.

Last update: ກັນຍາ 2024